Geschicht

De Club ass 1956 am Café Bonifas gegrënnt ginn an zielt haut zu den eelsten Dëschtennisveräiner vu Lëtzebuerg.

Am Laf vun de Joren hunn d’Spillerinnen a Spiller vum Veräin eng Partie Titelen op den nationale Landesmeeschterschaften an deene verschiddenen Altersgruppe gewonnen .

Den éischte Jugendlandesmeeschter krut den DTN am Joer 1965 an och duerno hu sech d’Minimes a Preminimes mat deem engen oder anere Landesmeeschtertitel an de Palmarès vum DTN agedroen.

D’Dammen hunn 1968 d’Coupe gewonnen an dat Joer duerno 1969 goufe se Landesmeeschter.

Déi 1. Equipe an der Formatioun mam Alain Recht, Leif Persson a Ronny Koch konnt den 23.12.2013 an der Finall géint Fiels/Haler fir déi éischt Kéier an der Veräinsgeschicht déi zweetwichtegst Coupe zu Lëtzebuerg, d’Coupe François Think, gewannen. Déi Coupe gëtt just zwësche Promotioun- an 1. Divisiounsequippen ausgespillt.

D’Minimes, Cadets, Jeunes a Seniorsequippen hunn iwwer all déi Zäit mat vill Succès an de verschiddenen Divisioune gespillt.

Iwwer déi lescht 12 Joer hu si mat duerchschnëttlech 8-10 Seniorsequippen an 2-3 Minimesequippen, 2-3 Cadetsequippen an 2-3 Jeunesequippe gespillt. Déi éischt Equipe huet eng gudd Zäit an der Promotioun gespillt, an zwar an der Formatioun mam Emmanuel Saphy, Leif Persson, Alain Recht a Ronny Koch.

Haut spillt déi éischt Equipe an der 1. Divisoiun an setzt sech aus folgende Spiller zesummen : Emmanuel Saphy, Leif Persson, Alain Recht a Christian Paler.