Verbandsranglescht vun der FLTT vum Mount August 2021

13.08.2021 vum Ronny
Salut,
Um Site vun der FLTT fand dir déi nei Verbandsranglescht vum Mount August 2021.
Ech well hei just déi 10 bescht aklasséiert Spiller vum DTN eraushiewen, bei weit iwwer 2000 lizenséierten Spiller,  soss gëtt d’Lëscht ze lang. 😉
* * *
137. PERSSON Leif (A3)
168. PALER Christian (A3)
182. SAPHY Emmanuel (A3)
200. NEYENS Gilles (B1)
225. RECHT Alain (B1)
271. KOCH Ronny (B1)
296. BARBABIANCA David (B1)
374. BRAGARD Jérôme (B2)
402. GEBELE Kevin (B2)
424. BIVER Jo (B2)

Klassementopstig am Jugendchampionnat

28.06.2021 vum Ronny

Am Jugendchampionnat huet de Stéphane et fäerdeg bruecht e Klassement ze klammen. De Stéphane ass D1 ginn. Félizitatioun. 🙂

Transferten fir dei néi Saison 2021 / 2022

19.06.2021 vum Ronny
Salut,
Lo wou d’Saison eriwwer, an d’Transfertperiode laanscht ass, well ech iech 2 néi Transfert’en virstellen, an dës an eisem Club begréissen.
Dëst sinn den Enrique PEDREGOSA (C1), hie kënnt vun Mamer an d’Christina SAYDON (C3) hat kënnt vun Gréiwemaacher.
Mir wënschen eise néie Matspiller / inn nëmmen dat Bescht an dass si de Club um sportlechen, wéi och um mënschlechen Plang weider no vir brengen kënnen. 🙂
Mat sportleche Gréiss.
Ronny

Emaischen 2021 – Onlineshop

18.03.2021 vum Kevin

Den Online-Verkaf geet den 20. März um 08:00 Auer lass.

Fir ären Peckvillchen ze kaafen ass RDV op http://www.emaischen.lu

Wann dir just eppes z‘ iessen bestellen wellt, dann kennt der dat iwert eisen Online-Shop machen

Click op d‘ Logo fir an den jeweilegen Shop ze kommen

Ofso vun der aktueller Saison vun der Dëschtennisfederatioun

08.03.2021 vum Ronny

Gudde Moien,

Opgrond vun der aktueller Coronasituatioun, an der domadder verbonnenen weideren Verlängerung vun de Sécherheetsmoossnamen, huet d’Dëschtennisfederatioun de Moien decidéiert d’Saison fir all d’Equippen vun der Promotioun bis déi 6. Divisioun, ofzesoen.

Eenzeg d’BDO (Nationale 1) an d’Nationale 2 dierfen hire Programm weiderspillen.

D’Saison gëtt net gewäert et ginn keng Op- an Ofsteiger an all d’Equippen verbleiwen an hiren aktuellen Divisiounen wou se am September erëm ufänke wäerten.

MbG

Ronny